حذف جهات الاتصال من الآيفون دفعة واحدة
في سنة 2024، لسه شركة Apple ما قدمتش طريقة مباشرة تخلّي حذف جهات الاتصال من الايفون دفعة واحدة أسهل للمستخدمين. وعلشان كده، في المقال ده هتلاقي 3 طرق مختلفة تساعدك على تحديد جهات اتصال ايفون سواء كانت محفوظة على وحدة التخزين الداخلية أو مربوطة بحسابات البريد الإلكتروني. سواء كنت عايز تحذف اسماء الايفون واحدة واحدة أو تدوسها كلها مرة واحدة، هنا هتلاقي الحلول اللي تريحك. كمان هنتكلم عن كيفية تحديد الاسماء في الايفون وحذفها بكل سهولة وبخطوات واضحة.
الطريقة الأولى: حذف جهة اتصال واحدة من الايفون يدويًا
لو بتدور على أسهل وأبسط طريقة لـ حذف جهة اتصال في الايفون، فأول حاجة هتيجي في بالك هي استخدام تطبيق جهات الاتصال نفسه. ودي طريقة ممتازة لو عايز تحذف اسماء الايفون واحدة واحدة من غير ما تمسح الكل. اتبع الخطوات دي:
- افتح تطبيق "جهات الاتصال" على جهاز iPhone أو iPad.
- دور على جهة الاتصال اللي عايز تمسحها واضغط عليها.
- اضغط على زر "تعديل" أو "Edit" اللي بيكون في الزاوية فوق.
- انزل لآخر الصفحة واضغط على "حذف جهة اتصال" علشان تمسح الرقم من الايفون نهائيًا.
الطريقة دي تنفع لو عندك عدد قليل من الأرقام، لكن لو ناوي على حذف جهات الاتصال دفعة واحدة للايفون، كمل قراءة المقال علشان نشرح طرق تانية أسهل وأسرع.
الطريقة التانية: حذف الاسماء من الايفون عن طريق إعدادات iCloud
لو كنت عامل مزامنة لجهات الاتصال في الايفون مع iCloud، تقدر بكل سهولة تحذف جهات الاتصال من الايفون بالكامل من خلال الإعدادات، ودي طريقة ممتازة لو عايز تتخلص من الأرقام كلها مرة واحدة. وعلشان تتأكد إن كل حاجة ماشية تمام، لازم الأول تتأكد إن تحديد جهات اتصال iPhone شغّال ومربوط بـ iCloud.
اتبع الخطوات دي علشان تمسح جهات الاتصال من الايفون عن طريق iCloud:
- افتح "الإعدادات" على جهاز الايفون بتاعك، واضغط على اسمك اللي بيظهر فوق.
- اختار "iCloud".
- هتلاقي اختيار اسمه "جهات الاتصال"، اعمله إيقاف (Off).
- هتظهرلك نافذة فيها اختيار "حذف من الـ iPhone" – دوس عليه.
الخطوات دي هتساعدك في حذف الأرقام من الآيفون المرتبطة بـ iCloud كلها مرة واحدة. ممتازة لو كنت ناوي على مسح جهات اتصال الايفون بشكل سريع ومنظم.
الطريقة التالتة: حذف جهات اتصال متعددة دفعة واحدة على iPhone
كتير من مستخدمي الايفون ميعرفوش إنك تقدر تحذف جهات اتصال متعددة في الايفون مرة واحدة من غير ما تحتاج تدخل على iCloud أو تستخدم كمبيوتر. المشكلة إن Apple مش بتوضح الطريقة دي بوضوح، وبتختلف عن طرق حذف الرسائل أو الإيميلات اللي كلنا متعودين عليها.
في الماضي، كان الحل الوحيد هو تسجيل الدخول على iCloud من المتصفح، لكن دلوقتي فيه طريقة أسهل من كده تقدر تعملها من الموبايل نفسه. تابع الخطوات دي علشان تعرف كيف تحدد الاسماء في الايفون وتحذفها:
- افتح تطبيق "جهات الاتصال" على iPhone، أو من تطبيق الهاتف اختار تبويب "جهات الاتصال".
- دور على مجموعة الأرقام أو الأسماء اللي عايز تمسحها.
- باستخدام صباعين، دوس ضغطة طويلة على جهة اتصال وسحبهم لفوق أو لتحت علشان تعمل تحديد جهات الاتصال في الايفون.
- بعد ما تخلص، لو عايز تزود اسم تاني في التحديد، كرر نفس الخطوة. غير كده، دوس ضغطة طويلة بإصبعك على أي اسم من اللي اخترتهم.
- هتظهرلك قائمة، اختار منها "حذف جهات الاتصال [X]"، وبعدين أكد على مسح جهات الاتصال من الايفون لما تطلع رسالة التأكيد.
بالطريقة دي، هتقدر تحذف الأرقام من الآيفون مرة واحدة من غير وجع دماغ، وده حل مثالي لو عندك لستة كبيرة وعايز تنظفها في ثانية.
لو المقال ده أفادك، يبقى عندي ليك حاجه هتساعدك أكتر!
أنا بنزل شروحات عملية وفيديوهات مفيدة على قناتي في يوتيوب، بنفس الأسلوب البسيط اللي قريته هنا، وهتلاقي فيها مواضيع مشابهة وأكتر.
تقدر تشترك في القناة من هنا: قناة اليوتيوب
علشان توصلك الفيديوهات أول ما تنزل، فعل الجرس كمان.
وجودك هناك هيفرق جدًا، ومستنيك في أول فيديو! 🙌
